பொது: காதுகளின் மீது மச்சம் இருப்பது மிகவும் நன்மையைத் தரும். இரண்டு காதுகளின் மீதும் மச்சம் இருந்தால், அவன் மிக்க செல்வம் குடும்பத்தில் பிறந்தவன். தனது முயற்சியாலும், மேன் மேலும் செல்வத்தை வளர்த்து, மிகவும் பாக்கிய சாலியென பாராட்டப் பெறுவான். "செவிகளின் பின்புறத்தில் மச்சம்" இருந்தால் வாழ்க்கைக்குத் தேவையான சகல வசதிகளும் பெற்றவனாகவும் பிதுரார்ஜிதம், ஸ்வார்ஜிதம் இரண்டும் நிறைந்தவராகவும், தனக்கு ஈடான ரூபமும், குணமும், செல்வமும் நிரம்பப் பெற்ற மனைவியை மணப்பவனாகவும் நீண்ட ஆயுள் உள்ளவனாகவும் புகழுடன் வாழ்வான். "வலது செவி நுனியில் மச்சம்" இருப்பவர்களுக்கு ஜலகண்டம் ஏற்படுமென்று சாஸ்திரம் கூறுகிறது. மற்றும் இயற்கையாகவே இவர்களுக்குத் தண்ணீர் உள்ள இடங்களில் பயம் ஏற்படும். "இடது செவி நுனியில் மச்சம்" இருந்தால்,காம உணர்ச்சி அதிகமுள்ளவனாகவும், பல்வேறு பெண்களுடன் சல்லாபம் செய்து அதன் மூலம் பல நோய்களுக்கு இலக்காகுபவனாகவும் இருப்பான் வருத்தமடைவான். "வலது செவியின் அடியில் மச்சம்" இருந்தால், அவனுக்கு வாழ்க்கைக்கு உரிய வசதிகள் இருந்தும் வீணாகப் பலவிடங்களில் கடன் வாங்கி கடன்காரர்களின் தொந்தரவுகளால் மனம் கலங்குவான். "இடது செவியின் அடியில் மச்சம்" இருந்தால் எந்த வசதியும் இல்லாமல்ஏழ்மையால் வருந்துவான். குறிப்பு: ஆண்களுக்கும் பெண்களுக்கும் மச்சம் பலன்கள் என்பது வேறுபடும், நமது வலைத்தளத்தில் இருபாலருக்கும் மச்ச பலன்கள் கொடுக்கப்பட்டுள்ளது, படித்து பயன் பெறவும் நன்றி.

பொதுவாகக் கழுத்தில் எந்தப் பகுதியில் மச்சம் இருந்தாலும் அது நன்மையைத் தருவதாக ஆகாது. ஒரு சமயம், எதிர்பாராமல் உயிருக்கே ஆபத்தான ஏற்படலாம் அவர்கள் அத்தகைய ஆபத்திலிருந்து தப்பித்துக் கொள்வார்கள் தாயாதிகளுக்கிடையே சொத்துத் தகராறுகள் ஏற்பட்டு, கோர்ட்டு கச்சேரிகளில் திரிந்து முடிவில் இவர்களுக்குச் சேர வேண்டிய சொத்து சேர்ந்து சற்று வசதியாக வாழ்நாளைக் கழிப்பார் கள். "கழுத்தில் உள்ள எலும்பின் மீது மச்சம்" இருந்தால் வசதியாக வாழ்க்கை உண்டாகும் சுத்தமாகவும், வெளுப்பாகவும் துணிமணிகளை அணிவதில் இவர்களுக்கு விருப்பம் அதிகமாக இருக்கும். குறிப்பு: ஆண்களுக்கும் பெண்களுக்கும் மச்சம் பலன்கள் என்பது வேறுபடும், நமது வலைத்தளத்தில் இருபாலருக்கும் மச்ச பலன்கள் கொடுக்கப்பட்டுள்ளது, படித்து பயன் பெறவும் நன்றி.

பொது : கண்களில் மச்சம் இருப்பது மிக விசேஷமானது அத்தகையவர்கள் மிகவும் பாக்கியசாலிகளாக இருப்பார்கள். "வலது கண்ணில் பாப்பாவுக்கு வலதுபுறமாக மச்சம்" இருந்தால், மிக்க செல்வந்தனாக இருப்பான். பிறவிச் செல்வந்தனான இவனுக்கு எதிர்பாராத வகையில் வாரிசு சொத்தும் அதிகமாகக் கிடைக்கும். மனிதனாகப் பிறவியெடுத்தவன் உலகில் அனுபவிக்கக்கூடிய சகல போகங்களையும் அனுபவிப்பான். பணிவுள்ளவனென்றும், தயாளனென்றும் நண்பர்களாலும் பொது ஜனங்களாலும் பாராட்டுதலைப் பெறுவான். "கண் பாப்பாவுக்கு இடதுபுறமாக மச்சம்" இருந்தால் மேற்கண்ட பலனே சற்று குறைவான அளவில் இருக்கும். "வலது கண் இரப்பை மீது மச்சம்" இருந்தால் அத்தமையவன் தெய்வபக்தி நிரம்பியவன் வாகனங்கள் போன்ற சகல சுகங்களும் பெற்றிருப்பான். எப்பொழுதும் புண்ய காரியங்களைச் செய்து கொண்டும், சுகபோகங்களை அனுபவித்துக்கொண்டும் ஆனந்தமாக வாழ்க்கையை நடத்துவான். "கண் இரப்பை மீது இடதுபுறம் மச்சம்" இருந்தால், வாழ்க்கைக்குரிய வசதிகள் அதிகமாக இல்லாமலிருப்பான். செய்யும் முயற்சிகளில் தோல்வியும் எல்லோராலும் இகழப்படுவான். "இடது கண்ணில் விழிக்கு வலதுபுறம் மச்சம்" இருந்தால், பெண்கள் சகவாசம் இருந்து, பூர்வீக சொத்து சுதந்திரங்களை அழித்து விடுவான்.எப்பொழுதும் மனோவியாதி குடிகொண்டு வாழ்கையே ஒரு பாரமாகி ஏழையாகவே காலம் கழிப்பான். "இடது கண்ணில் விழிக்கு இடதுபுறம் மச்சம்" இருந்தால், நண்பர்கள் சுற்றத்தாருடன் பகைமை கொண்டு, பலவித இன்னல்களுக்கு ஆளாகி, மிக மிக ஏழையாக வருந்துவான். "இடது கடைக் கண்ணில் மச்சம்" இருந்தால் மிகவும் நல்லவனாகவும் பந்துக்களால் விரும்பப்படுகிறவனாகவும், மிகவும் பணிவுள்ளவனாகவும், உண்மையே பேசுபவனாகவும் இருப்பான். இவர்களில் சிலர் நடு வயதிலேயே மரணமடைவார். "கண்களின் இறுதியில் மச்சம்" இருந்தால் நற்குணங்கள் நிரம்பப் பெற்றிருப்பான். தான தர்மங்கள் செய்வதில் விருப்பமுள்ளவன். மிக்க அறிவாளியாகவும், எதையும் துணிந்து செய்யும் தைரியசாலியாகவும் திகழ்வான். மக்களால் பாராட்டப் பெறுவான். ஆனால், எதிர்பாராத வகையில் பிறரால் கொல்லப்படுவான். "கண்களின் இறுதியில் தண்ணீர் வழியுமிடத்தில் மச்சம்" இருந்தால், பிறந்த பிள்ளைகள் மரணமடைவதன் மூலம் புத்ர சோகத்தால் வருந்துவான். "கண் கீழ் இரைப்பைகளின் மேல்பாகத்தில் மச்சம்" இருந்தால் மன அமைதி குறைவாக இருக்கும். மேன் மேலும் கஷ்டங்களும் விரோதங்களும் தோன்றி, மனத்தில் அமைதி இல்லாமையால் இடம் விட்டு ஓடி, க்ஷேத்ராடனம் செய்து ஓரளவு மன அமைதியைத் தேடிக் கொள்வான். "கீழ் இரைப்பைகளின் உட்புறத்தில் மச்சம்" இருந்தால் நன்மை தராது. வறுமையால் வருந்துவான்.பிறர்களால் நிந்திக்கப்படுவான். "இடது கன்னத்தில் மச்சம்" இருந்தால், எந்தத் தொழிலைத் தொடங்கினாலும் இடையூறுகள் உண்டாகும். மற்றவர்களால் அவமதிக்கப் பெற்று மன வேதனையை அனுபவிப்பான். குறிப்பு: ஆண்களுக்கும் பெண்களுக்கும் மச்சம் பலன்கள் என்பது வேறுபடும், நமது வலைத்தளத்தில் இருபாலருக்கும் மச்ச பலன்கள் கொடுக்கப்பட்டுள்ளது, படித்து பயன் பெறவும் நன்றி.

"கட்டை விரலின் மீதாவது, அதன் நகத்தின் மீதாவது வெள்ளை மச்சம்" தோன்றி காணப்பட்டால், அந்த நிலையில் அவர்கள் தொடங்கும் வேலைகள், வியாபாரமோ மிகவும் நிறைவேறுவதுடன் லாபத்தையும் அளிக்கும். காதல் விவகாரங்களில் வெற்றி உண்டாகும். மேற்கண்ட மச்சம் கருப்பாக இருந்தால், தான் செய்யும் முயற்சிகளில் எல்லாம் தோல்வி அடைவான்.காதல் விவகாரங்களில் ஏமாற்றமும் அவமானமும் அடைய நேரிடும். "வலது கைக் கட்டை விரல் மீது மச்சம்" இருந்தால் அரசாங்க உத்தியோகத்தில் ஒரு பெரிய அதியாகபணி புரிவார் பேச்சில் வல்லவனாகவும் வசதிகள் நிறைந்தவனாக திகழ்வான். குறிப்பு: ஆண்களுக்கும் பெண்களுக்கும் மச்சம் பலன்கள் என்பது வேறுபடும், நமது வலைத்தளத்தில் இருபாலருக்கும் மச்ச பலன்கள் கொடுக்கப்பட்டுள்ளது, படித்து பயன் பெறவும் நன்றி.

பொது: உள்ளங்கையில், அதாவது ஆண்களுக்கு உள்ளங்கையில் மச்சம் இருந்தால் மிக நன்மையைத் தரும். இடது உள்ளங்கையில் உள்ள மச்சத்திற்கு யாதொரு நற்பலனும் ஏற்படாது. எனவே, வலது உள்ளங்கையில் உள்ள மச்சங்களுக்கு மட்டும் இங்கு பலன்கள் கூறப்பட்டுள்ளன. "வலது உள்ளங்கையில் கடடை விரலின் அடியில் மச்சம்" இருந்தால், மனைவி மக்களுக்கும் விரோதியாவான். பூர்வீக சொத்துகளையெல்லாம் அழித்து விடுவான். காம போகங்களில் அளவுக்கு மீறி செலவு செய்தும் உடல் நெளிந்தும் வேதனை அடைவார். "உள்ளங்கையில் நடு விரலின் அடியில் மச்சம்" இருந்தால், பந்துக்களுக்கும் மனைவிக்கும் விரோதியாவான். பூர்வீக சொத்தை அழித்து விடுவான் வேசி லோலனாகவும் உலக இன்பங்கள் முழுவதையும் அனுபவிப்பனாகவும் இருப்பான். "வலது உள்ளங்கையில் ஆள்காட்டி விரல் அடியில் மச்சம்" இருந்தால், உள்ளொன்று வைத்துப் புறமொன்று பேசுபவர். சாமர்த்தியமாகப் பேசி பணம் சம்பாதிப்பதில் வல்லவனாகவும் இருப்பான் மக்களின் மத்தியில் இருப்பதைக் காட்டிலும் தனிமையையே அதிகமாக விரும்புவான். "வலது உள்ளங்கையில் மோதிர விரல் அடியில் மச்சம்" இருந்தால் வாழ்க்கைக்குரிய வசதிகளெல்லாம் பெற்றிருப்பான். சஞ்சலம் மனம் உள்ளவன். தன் சக்திக்கு மிஞ்சிய காரியங்களைச் செய்ய முற்பட்டு மன வேதனைகளை மட்டும் சம்பாதித்துக் கொள்வான் "வலது உள்ளங்கையில் சுண்டு விரலின் அடியில் மச்சம்" இருந்தால் நீண்ட ஆயுளும் அளவற்ற செல்வமும் படைத்தவனாக இருப்பான். சந்ததியும் வளர்ச்சியாக இருக்கும். உலக விவகாரத்தில் மிகவும் திறமைசாலியாகத் திகழ்வான். தெய்வ பக்தி, பிராம்மண பக்தி நிரம்பியவன். நினைத்ததை முடிக்கும் திறமையாளன் இவன். குறிப்பு: ஆண்களுக்கும் பெண்களுக்கும் மச்சம் பலன்கள் என்பது வேறுபடும், நமது வலைத்தளத்தில் இருபாலருக்கும் மச்ச பலன்கள் கொடுக்கப்பட்டுள்ளது, படித்து பயன் பெறவும் நன்றி.

பொது: உள்ளங்காலில் (பாதத்தின் கீழ்ப்பகுதியில்) மச்சம் உள்ளவர்கள் அவரவர்கள் தரத்திற் கேற்ப, சைக்கிள், மோட்டார் சைக்கிள், மோட்டார் கார் முதலிய வாகன சௌக்கியங்கள் உண்டாகும். இவர்கள் ஒரு இடத்தில் நிலையாக இல்லாமல் பிரதியானம் செய்து கொண்டே இருப்பார்கள். டிராவலிங் ஏஜெண்டுகள், வியாபாரிகள் முதலியவர்களாகச் சிலர் பணியாற்றுவார்கள். "உள்ளங்காலின் நடுவில் மச்சம்" இருப்பவர்கள் மிகவும் புகழ்பெற்றவர்களாக விளங்குவார்கள். இவர்களில் சிலர் சினிமா, டிராமா முதலியவைகளுக்குப் பாடல்கள் புனைந்து தந்து புகழ் பெறுபவர்களாகவும், அழகிய கவிதைகள் இயற்றும் கவிஞர்களாகவும், சங்கீதக் கலையில் சிறந்தவர்களாகவும் விளங்குவார்கள். இவர்களில் சிலர் மக்களாலும் அரசாங்கத்தாலும் பட்டம் பதவிகள் பெற்றுத் திகழ்வார்கள். அவர்கள் வேறு சிலர் வேசிலோலர்களாகவும் இருக்கக்கூடும். பொதுவாக இவர்களில் பலர் மிகவும் அமைதியான வாழ்க்கை நடத்துவார்கள். "கால் விரல்களுக்கு கீழே உள்ளங்கையில் மச்சம்" இருந்தால், இத்தகையவர்கள் சுகமாகப் பொது வாழ்க்கையை நடத்த முடியாது. எல்லோருடனும் சுமுகமாகப் பழகுவதென்பது இவர்களுக்குத் தெரியாது. ஆகவே மற்றவரும் இவருடன் சேராமல் ஒதுங்கியே சென்று விடுவார்கள். எனவே, அவர்கள் பிறரை வெறுப்பது போல், பிறரால் இவர்களும் வெறுக்கப்பட்டு, வரட்சியான வாழ்க்கையை நடத்து அவர்கள். அனேகம் ஆசைகள் இருந்தாலும் எதையும் நிறைவேற்ற முடியாமல் உலர்ந்த மரம் போல் நின்று விடுவார்கள். "கால் கட்டை விரலுக்குக் கீழே மச்சம்" இருந்தால், பொது வாழ்க்கை மிகவும் நன்றாக அமையும். இவர்களுக்கு எதிலும் தமது முயற்சியில்லாமலே, தானாகவே பிறர் உதவி கிடைக்கும். இவர் மற்றவரை மதிப்போடு நேசிப்பதுடன் சமயோசிதமாகச் சகாயமும் செய்வார்கள். குறிப்பு: ஆண்களுக்கும் பெண்களுக்கும் மச்சம் பலன்கள் என்பது வேறுபடும், நமது வலைத்தளத்தில் இருபாலருக்கும் மச்ச பலன்கள் கொடுக்கப்பட்டுள்ளது, படித்து பயன் பெறவும் நன்றி.

பொது: மேலுதடு, கீழுதடு என்று உதடுகள் இரண்டல்லவா? இவைகளில் எந்த உதட்டில் மச்சம் இருந்தாலும், காம உணர்ச்சி அதிகமா உள்ளவனாக இருப்பான். அழகான பொருள்களை விரும்பி வாங்குவான். "மேலுதடு மீது மச்சம்" இருந்தால் வாழ்க்கை வசதிகள் நன்கு பெற்றவனாகவும் மிக்கக் காமப்பற்றுள்ளவனாகவும் இருப்பான். அந்த மச்சம் மேலுதட்டின் உட்புறமாக இருந்தால் ரகசிய வித்யைகளை அறிந்தவன். மந்த்ர சாஸ்திரங்களில் வல்லவன். "கீழுதடு மீது மச்சம்" உள்ளவன் மிகவும் வறுமை வருந்துபவன். இத்தகையவர்கள் பலர் பிரசங்கங்கள் செய்து வாழ்க்கையை நடத்துவார்கள். அதிகமாக உண்பவர்கள். மற்றவர்களால் மதிக்கப்படுவார்கள் "இந்த மச்சம் கீழுதட்டின் உட்புறம்" இருந்தால் எல்லோராலும் வெறுக்கத்தக்க வகையில் வாழ்க்கை நடத்துவார்கள் தீய வழிகளில் பணம் சம்பாதிப்பவர்கள். சிலர் பிறர் அளிக்கும் தானங்களை வாங்கி வயிறு வளர்ப்பவர்கள். சிலர், மதுக்களை அருந்தி, குடிகாரர்கள் என்று இகழப்படுவார்கள். குறிப்பு: ஆண்களுக்கும் பெண்களுக்கும் மச்சம் பலன்கள் என்பது வேறுபடும், நமது வலைத்தளத்தில் இருபாலருக்கும் மச்ச பலன்கள் கொடுக்கப்பட்டுள்ளது, படித்து பயன் பெறவும் நன்றி.